05 December, 2011

Type ஆன ஓவியங்கள்

                                                                                       ஓவியம் வரைவது என்பது ஒரு
அரிய கலை. என்ன தான் முட்டி மோதி பழகினாலும் இயல்பாய் வரையும்
ஒவியர்களிடம் உள்ள நேர்த்தி போல் நிச்சயம் வராது.ஆனால் இதெல்லாம்
அவ்வை வாக்கின்படி அரிதிலும்,அரிதாக ஆரோக்யமாய் பிறந்தவர்களுக்கு மட்டுமே. மாற்றுத்திறனாளிகளின் அன்றாட வாழ்வே ஒரு போராட்டமாய்
இருக்கும் போது அவர்களிடமிருந்து வெளிப்படும் படைப்புத்திறன் என்பது
அதிசயப்படவேண்டியது மட்டுமல்ல, போற்றிப் பாதுகாக்க வேண்டிய ஒன்று
ஆகும். ஏனெனில் அந்த படைப்பில் தெரிவது படைப்பாளியின் திறமை மட்டும்
அல்ல, அவர்களின் அளவிடமுடியாத விடாமுயற்சி. மேலும் அவர்களைப்
போல் உள்ளவர்களுக்கு அவர்கள் கொடுக்கும் Practical ஊக்கம்.







                                         


                      






                                                                                மேலே உள்ள படங்கள் அழகாக
வரையப்பட்டுள்ளது என்பதில் யாருக்கும் எந்த சந்தேகமும் இருக்காது.
ஆனால் ஒரு சின்ன திருத்தம், அவை வரையப்பட்ட ஓவியங்கள் இல்லை.
அடிக்கப்பட்ட ஓவியங்கள் -  டைப் ரைட்டரில். Type writer ல் நாம் தப்பில்லாமல்
டைப் செய்வதையே உலக சாதனையாக நினைத்துக்கொண்டிருக்கும் போது
ஒருவர் அதில் படமே வரைந்திருக்கிறார் என்பது எவ்வளவு பெரிய விஷயம்
பாருங்கள். இதைவிட அதிசயம் அவர் Celebral palsy என்னும் நோயால் பாதிக்கப்
பட்டவர். முடக்குவாதம் என்று சொன்னால் எளிதில் விளங்கும். இந்நோய்
பாதிக்கப்பட்டவர்களுக்கு அன்றாட செயல்களே மலையேற்றம் போல்
கடினமான விஷயங்கள். ஒரு பொருளை கையில் எடுக்ககூட நிறைய மெனக்
கெடவேண்டும். சட்டைக்கு பட்டன் போடுவது கூட கஷ்டம். அப்படிப்பட்ட
கடினமான நோயால் பிறப்பிலேயே பாதிக்கப்பட்ட Paul Smith (1921 - 2007) என்னும் 
Philadelphia ல் பிறந்தவர் டைப்ரைட்டரில் வரைந்த ஓவியங்கள் தான் அவை.
11வது வயதில் இருந்து வரைய ஆரம்பித்த அவர் சில படங்களை வரைய
வாரக்கணக்கில் கூட ஆகியிருக்கிறது.  இதற்கு அவர் பெரும்பாலும் பயன்படுத்திய Keys ...  @ # $ % ^  &  *   (  ) _  



அவர் வரைந்த மேலும் சில படங்கள்


















அவரைப்பற்றிய சிறு ஆவணப்படம்






              விடாமுயற்சியும், கடின உழைப்புக்கும் சாட்சி தான் இந்த படங்கள்




மீண்டும் சந்திப்போம்.

8 comments:

  1. அருமையான பகிர்வு

    ReplyDelete
  2. @K.s.s.Rajh
    வருகைக்கும்,பகிர்வுக்கும் நன்றி!

    ReplyDelete
  3. @"என் ராஜபாட்டை"- ராஜா
    வருகைக்கும்,பகிர்வுக்கும் நன்றி!

    ReplyDelete
  4. nice pictures... thanks to share..... www.rishvan.com

    ReplyDelete
  5. Hi i am JBD From JBD

    Hi i Read Your Information its Really Very interesting & Usefull!


    Visit My Website Also : www.cutcopypaste.co.in , www.indiai365.com , www.classiindia.com , www.jobsworld4you.com

    ReplyDelete
  6. அருமையான கைவண்ணம்

    ReplyDelete

என்னை திட்டவும், தீட்டவும் கருத்திடுக

LinkWithin

Related Posts Plugin for WordPress, Blogger...